Shymkentte elimizdegi eń úlken ıppodrom salynyp jatyr

ShYMKENT. QazAqparat - Shymkentte elimizdegi eń úlken ıppodrom salynyp jatyr. Bul týraly Shymkent qalasy aqparattyq-kommýnıkatsııalyq ortalyǵynda ótken brıfıngte qala ákiminiń orynbasary Maqsut Isahov málimdedi, dep habarlaıdy QazAqparat tilshisi.

Jańa ıppodrom keler jyldyń Naýryz aıynda paıdalanýǵa beriledi dep kútilýde. Munda bir syzyq boıynda qatar turǵan 10 at bir mezette júrýge múmkindigi bar. Al, alańnyń uzyndyǵy 2 shaqyrymdy quraıdy. Jerge de jylqylardyń júrýine yńǵaıly qum tóselgen.

«Qumdy 60 karerdi aralap júrip, áreń taptyq. Ol jańbyr jaýǵanda sýdy ózine sińirip alady. Attyń aıaǵyna óte yńǵaıly. Sondaı-aq, ıppodrom ortasyna kókparǵa jáne konkýrǵa arnalǵan úlken alań jasadyq. Al, jabyq manejdiń uzyndyǵy 135 metr bolsa, eni 90 metrdi quraıdy. Úlkendigi jaǵynan mundaı manej Qazaqstanda joq. Jalpy joba quny 5,5 - 6 mlrd teńgeni quraıdy. Munda memleket esebinen de salatyn nysandarymyz bar», - dedi Maqsut Isahov.

Onyń aıtýynsha, 1 mlrd teńgeni ákimdik bóledi, al qalǵan qarjyny iri qurylys kompanııasy salady.