Shymkentte elektrondyq jobamen 8 myńǵa jýyq búldirshin balabaqshaǵa qabyldandy
ShYMKENT. QazAqparat - Shymkentte jańa elektrondyq jobamen 7 972 búldirshin balabaqshaǵa qabyldandy. Mektepke deıingi mekemelerge joldama alǵan balǵyndardyń sany 9 611-ge jetken. Bul týraly qalalyq bilim bóliminiń basshysy Janat Tájıeva málimdedi, dep habarlaıdy «QazAqparat» HAA tilshisi.
Qala ákimdiginde ótken brıfıngte bólim basshysy balalardy balabaqshaǵa qabyldaý barysynda ótinishterdi elektrondyq júıemen qabyldaýdyń tıimdi ekendigin málim etti.
«Bul joba ata-analarǵa ne beredi: saıtty ashqan olar perzentterin bergisi keletin balabaqsha týraly barlyq málimetti oqı alady, toptardaǵy bos oryndar men óz kezeginiń jyljýyn anyqtaıdy, kezegi kelgeni týraly tegin SMS-habarlama alady. Al eń bastysy - adamı faktor men sybaılastyq áreket tolyq joıylǵan. Al, bólim mamandary buǵan deıin aınalysqan qaǵaz toltyrýdan qutylady», - dedi Janat Tájıeva.
Jalpy, shym shaharda balasyn balabaqshaǵa qabyldaý týraly ótinishti elektrondy túrde 57 756 adam bergen.
