Shymkentte elektr jelileriniń qysqa tuıyqtalýynan órt shyǵyp, úı men kólik janyp ketti

ShYMKENT. QazAqparat – Shymkent qalalyq TJD mamandary turǵyn úı men kólikke zaqym keltirgen órt oqıǵasynyń sebebin anyqtady, dep habarlaıdy QazAqparat tilshisi.

Oqıǵa 30 shilde kúni bolǵan. Saǵat 15:36 shamasynda Abaı aýdany Temirlan kóshesi boıynda ornalasqan úıden órt shyqqan. Jalpy kólemi 80 sharshy metr úı shatyry tolyǵymen janyp ketken. Sondaı-aq, úı ishindegi zattar, tóbe jappasy men japsarlana soǵylǵan bastyrmanyń shatyry tolyǵymen órtke orynǵan. Sonda turǵan «Mercedes-Benz» markaly jenil avtokóliktiń aldyńǵy bóligi jáne avtokólik tirkemesi jaramsyz kúıge túsken. Sonymen qatar, kórshiles turǵyn úıdiń shatyryna da zaqym kelgen.

«Órt kezinde 1976 jyly týǵan eki er azamat zardap shekti. Alǵashqy medıtsınalyq kómek kórsetilgennen keıin, aýrýhanaǵa jatýdan bas tartty. Órtti sóndirýge Shymkent qalasy TJD Órt sóndirý qyzmetiniń 15 qyzmetkeri men 3 dana tehnıkasy, Apattar medıtsınasy ortalyǵy fılıalynyń 1 brıgadasy jumyldyryldy. Órt ýaqytsha elektr jelilerdiń qysqa tuıyqtalýynan bolǵan», - delingen Shymkent qalasy TJD qoǵammen baılanys toby taratqan habarlamada.

Aıta ketsek, Shymkentte jyl basynan beri 53 turǵyn úıde órt tirkelgen, onyń 35-i elektr jelileriniń qysqa tuıyqtalýynan boldy.

Kadr ız vıdeo