Shymkentte elektr qýatynyń baǵasy qymbattamaıdy
ShYMKENT. QazAqparat - 2017 jyldyń 1 qańtarynan elektr qýatynyń tarıfy kóterilmeıdi. Bul týraly «Energopotok» JShS málim etti, dep habarlaıdy «QazAqparat» HAA tilshisi.
«Táýligine tutyný kólemi men aýmaǵyna qaraı jeke jáne zańdy tulǵalarǵa arnalǵan dıfferentsıatsııa erejesi bar. Bul erejeler, olardyń formýlalary jyldyń sońynda ózgertildi. Biz bul tarıfterdi jańa formýlaǵa salyp qaıta esepteýimiz qajet. Mysaly, zańdy tulǵalarǵa arnalǵan úsh tarıf bar. Endi zańdy tulǵalar úshin keshki tarıf azaıtylyp, esesine túngi tarıf kóbeıedi. Táýlik aýmaǵy boıynsha jeke tulǵalar formýlasy da ózgeriske ushyrady, sáıkesinshe tarıfty qaıta esepteımiz», - dep habarlaıdy kompanııadan.
Jeke tulǵalar úshin de kúndizgi tarıf azaıtylyp, esesine túngisi ulǵaıady dep aıtylady. Alaıda adamdar qazirgishe tóleıtin bolady. Kompanııa monopolııaǵa qarsy vedomstvo bekitken tarıf boıynsha jumys jasaıdy. Jaryqty tutyný mólsheri boıynsha tóleıtin tulǵalar úshin eshteńe ózgermeıdi.
«Formýlalardyń ózgerisi týraly monopolııaǵa qarsy organdarǵa eskerttik. Olar kelisýi tıis. Nátıjesi nemen aıaqtalatyny belgisiz. Bizge bir somany kórsetkenimizben, olar basqa somany bekitýi múmkin», dep aıtty kompanııada.
Eske sala keteıik, buǵan deıin Otyrar.kz portalynda Shymkentte 2017 jyldyń 1 qańtarynan elektr qýaty baǵasynyń qymbattaıtyny týraly aqparat jarııalanǵan.
