Shymkentte ekinshi mamandandyrylǵan halyqqa qyzmet kórsetý ortalyǵy ashyldy

ShYMKENT. QazAqparat - Shymkentte ekinshi mamandandyrylǵan halyqqa qyzmet kórsetý ortalyǵy ashyldy, dep habarlaıdy QazAqparat tilshisi.

Ortalyqtyń ashylý saltanatyna qala ákiminiń orynbasary Danat Jýmın qatysyp, ǵımarattyń tolyqtaı elektrondy baqylaý júıesine qosylǵanyn atap ótti. Munda táýligine 400 adam qujatyn rásimdeı alady. ıAǵnı, ortalyqta avtokólikti tirkeý jáne esepten shyǵarý memlekettik qyzmetteri kórsetiledi. Jańa mamandandyrylǵan ortalyqta 52 qyzmetker jumys isteıdi.

Al daıyn qujattardy qabyldaý jáne berý qyzmetine 20 jumys orny ashylyp otyr. Budan bólek, ǵımarat aldynda 150 avtokólikke turaq qarastyrylǵan. Múmkindigi shekteýli azamattar úshin pandýstar men shaqyrtý túımeleri ornalastyrylǵan.

Aıta keteıik, atalǵan HQKO aptanyń alty kúninde úzilissiz jumys isteıdi.