Shymkentte ekinshi qabattan qulap ketken 7 jasar bala kóz jumdy
ShYMKENT. QazAqparat – Shymkentte 7 jasar bala bıiktikten qulap, mert boldy. Bul týraly Shymkent qalasy Tótenshe jaǵdaılar departamenti tótenshe jaǵdaılardy aldyn alý bóliminiń bastyǵy Irısmat Mahmýdov málim etti, dep habarlaıdy QazAqparat tilshisi.
Oqıǵa Ál-Farabı aýdany, Esil kóshesi boıyndaǵy kópqabatty turǵyn úılerdiń birinde boldy. Ata-anasynyń qaraýynsyz qalǵan bala ekinshi qabattaǵy terezeden qulap ketken. Al anasy sol sátte jýyný bólmesinde bolǵan.
«Daǵdarys jaǵdaılardy basqarý basqarmasyna 24 shilde kúni saǵat 16:20 shamasynda habarlama tústi. Ókinishke oraı 2016 jyly týǵan er bala oqıǵa ornynda kóz jumdy» - dedi Irısmat Mahmýdov.
Aıta keteıik, Shymkentte jyl basynan 4 bala terezeden qulap ketti.
Qalalyq TJD balalardy qaraýsyz qaldyrýǵa bolmaıtynyn eskertedi.
