Shymkentte eki jyl buryn salynǵan eskek esý sport kesheni qırap jatyr
ShYMKENT. QazAqparat - Shymkentte eki jyl buryn salynǵan eskek esý sport kesheni qırap jatyr. Elimizdegi osyndaı jalǵyz nysan búginde aıanyshty halge túsken, dep habarlaıdy QazAqparat HAA tilshisi.
Sý jáne eskek esý túrleri úshin salynǵan ámbebap oqý-jattyǵý bazasy 2015 jyldyń qazanynda paıdalanýǵa berilgen. Alaıda araǵa kóp ýaqyt salmaı jatyp-aq qurylys sapasy syr bere bastady. Búginde ortalyqtyń esik terezeleri ajyrap, qabyrǵalary sógilip jatyr. Edenderi bosap, kafelderi ajyraı bastaǵan. Ǵımarattyń ishi de qıraǵany bylaı tursyn, syrty da úgitilip jatyr. Sol sııaqty esik-terezelerde sańylaý paıda bolyp, jyl boıy jatyp daıyndalatyn sportshylar sýyq kúni jel kiretin jerlerdi skochpen jaýyp amaldaıdy eken. Keshenniń ákimshiligi merdigerler men qurylysshylarǵa muńyn shaqqanymen, tyńdaı qoıar qulaq tabylmaǵanyn aıtady.
«Bar kináni jylý qazandyǵyna jaýyp qoıa salady. Jaýapty qurylysshylar osy kúnge deıin ortalyqqa 20 ret kelip, túk tyndyrmady. Olardyń qatelikterin tizbektep shaǵymdanǵanymyzda, 29 mamyrǵa deıin jóndep beretini jóninde hat joldaǵan bolatyn. Iıa, olar kelýin keldi. Biraq aptadan artyq ýaqyt osynda bolǵandar eshteńeni tyndyrmady. ıAǵnı, qalpyna kelgen bir nárseni de kórgen joqpyz. Nátıjesiz jumystyń osynsha ýaqytqa sozylyp ketkeni ókinishti. Sebebi az ýaqyttan keıin sportshylar qaıta osy ortalyqqa jınalyp, kúz aıynda jattyǵýdy bastaıdy», - deıdi ortalyq qyzmetkeri Azamat Chýlakov.
Bul máselege oraı merdigerler bolsa ózderine esh kiná artqysy joq. Jańadan salynǵan nysandy oblystyń sport jáne dene shynyqtyrý basqarmasyna eki ret tapsyrdyq dep otyr. Alaıda keıinnen sport kesheninen durys kútim jasalmaǵanyn aıtyp aqtalýda. Degenmen qurylysshylar kúzdiń sońyna deıin qaıta jóndeý jumystaryn júrgizetinin aıtty.
