Shymkentte eki jumysshynyń mert bolýyna baılanysty qylmystyq is qozǵaldy

ShYMKENT. QazAqparat - Shymkentte qurylys alańynda eki jumysshynyń qaıtys bolýyna oraı QK 156 babynyń 4 bóligine sáıkes qylmystyq is qozǵaldy. Bul týraly qalalyq ákimdikte ótken brıfıngte málim boldy, dep habarlaıdy QazAqparat tilshisi.

Baspasóz máslıhatyna qalalyq Densaýlyq saqtaý basqarmasynyń basshysy Ashan Baıdývalıev pen TJD basshysynyń orynbasary Madııar Jaqsybaev, Qurylys basqarmasynyń basshysy Erbol Ahmetov pen eńbek ıspektsııasynyń basshysy jáne merdiger kompanııa ókilderi qatysty.

Densaýlyq saqtaý basqarmasynyń basshysy Ashan Baıdývalıevtiń aıtýynsha, qazir úıindi astynda qalyp aman qalǵan júrgizýshiniń jaǵdaıy qalypty. Tıisti medıtsınalyq emdeý sharalary júrgizilýde.

«Oqıǵanyń aldyn ala boljamdy sebebi: qurylys jumystaryn júrgizý kezinde merdiger «ıÝgstroıservıs-N» JShS tarapynan qaýipsizdik tehnıkasy jəne qurylysty júrgizý tehnologııasy saqtalmaǵan«, delingen ákimdik taratqan málimette.

Eske salaıyq, keshe túnde Shymkenttegi qurylys alańdarynyń birinde úsh tehnıkany topyraq basyp qalyp, eki jumysshy qaza tapqan bolatyn. Toǵyz qabatty úıge 25 metrlik tereńdikte shuńqyr qazý kezinde qabyrǵasy qulap ketip, saldarynan shuńqyrdy qazyp tegistep jatqan úsh tehnıka júrgizýshileri úıindiniń astynda qalǵan edi. Bes saǵatqa sozylǵan qutqarý jumystary kezinde bir tehnıka syrtqa shyǵarylyp, júrgizýshisi aman qaldy.

Al, úıindi astynda qalǵan eki tehnıkanyń júrgizýshisi oqıǵa ornynda kóz jumdy.