Shymkentte eki jigit kisi óltirip, máıitin dárethana shuńqyryna tastap ketken
ShYMKENT. QazAqparat - Shymkentte kúdiktiler kisi óltirip, máıitin órtemek bolǵan. Deneni órteı almaǵan soń ony ájethaǵa tastap jibergen, dep habarlaıdy QazAqparat HAA tilshisi.
Qarataý aýdandyq polıtsııa bólimine Qyzylsaı eldi mekeniniń turǵyny habarlasyp, qoǵamdyq ájethananyń shuńqyrynda máıit jatqanyn aıtqan. Oqıǵa ornyna jetken polıtseıler jas shamasy 30-35-tegi er adamnyń máıitin alyp shyqqan. Máıitti teksere kele, onyń 34 jastaǵy Shymkent qalasynyń turǵyny ekeni anyqtaldy. Jedel izdestirý sharalary barysynda tártip saqshylary osy qylmysqa qatysy bar degen eki kúdiktini qolǵa túsirdi. Tergeý barysynda seziktiler dostaryn qalaı óltirgenin aıtyp bergen.
Belgili bolǵandaı úsheýi eki kún boıy ishimdikke sylqııa toıyp alyp, úshinshi kúni ózara eregisip qalady. Artynsha tóbelesip, qol jumsaýdyń sońy kisi ólimine alyp kelgen. Keıinnen máıitten qutylý maqsatynda ony órtemek bolǵan. Alaıda ol áreketteri nátıjesiz bolyp, máıitti ájethanaǵa tastaı salypty.
Qazirgi tańda eki kúdiktige qatysty qylmystyq is qozǵalyp, tergeý amaldary júrgizilýde. Seziktiniń bireýi qasaqana kisi óltirgen dep aıyptalsa, ekinshisi qylmysty jasyrǵany úshin qamaldy. Birneshe sot medıtsınalyq saraptamalar taǵaıyndalyp, tekserý amaldary júrgizilýde.
