Shymkentte eki jigit aıaldama áınegin syndyrǵan
15 aqpan tańǵy saǵat 6:00 shamasynda Shymkent qalasynyń polıtsııa departamenti patrýldik polıtsııa polkiniń qyzmet ınspektory Suńǵat Abılov aýmaqty patrýldeý barysynda Abaı dańǵylynda ornalasqan «Radýga» avtobýs aıaldamasynyń shyny qabyrǵasy synǵanyn baıqaǵan.
Tártip saqshysy bul týraly Abaı aýdany polıtsııa basqarmasynyń kezekshi bólimine jedel habarlap, vandaldardy izdeýge kirisken.
Inspektor oqıǵa ornyna jaqyn jerde júrgen 2 jigitti baıqap, toqtatady.
Tekserý barysynda bir jigittiń uıaly telefonynan olardyń aıaldamanyń áınegin syndyryp jatqan beınejazbasy tabyldy.
19 jastaǵy eki azamat polıtsııaǵa jetkizildi.
Qazirgi ýaqytta atalǵan fakti boıynsha tekserý júrgizilýde.
Tekserý aıaqtalǵannan keıin azamattardyń is-áreketterine quqyqtyq baǵa beriledi.