Shymkentte eki jasóspirimdi kólik qaǵyp, bireýi kóz jumdy
ShYMKENT. QazAqparat - 2019 jylǵy 4 jeltoqsanda Shymkent qalasynda Temirlan tasjoly boıynda kámeletke tolmaǵan eki jasóspirimdi kólik qaqty, dep habarlaıdy Shymkent qalalyq polıtsııa departamentiniń baspasóz qyzmeti.
Baspasóz qyzmetiniń málimetterine qaraǵanda, jol-kólik oqıǵasynyń nátıjesinde jasóspirimderdiń bireýi alǵan jaraqatynan qaıtys boldy. Al ekinshisi Shymkent qalasyndaǵy medıtsınalyq mekemeniń jansaqtaý bólimine jetkizildi.
Atalǵan jaıt boıynsha Qazaqstan Respýblıkasy Qylmystyq Kodeksiniń 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» jáne 347-baby «Jol-kólik oqıǵasy bolǵan jerden ketip qalý» boıynsha sotqa deıingi tergep-tekserý amaldary bastalǵan.
Jedel-izdestirý is-sharalary barysynda polıtsııa qyzmetkerleri jol-kólik oqıǵasyn jasaǵan kóliktiń markasyn jáne onyń ornalasqan jerin anyqtady.
Atalǵan avtokólik júrgizýshisin ustaý boıynsha jedel jumystar júrgizilýde.
