Shymkentte eki jasar búldirshin kópqabatty úıdiń terezesinen qulap ketti
Qalalyq TJD baspasóz qyzmetiniń málimetinshe, oqys oqıǵa búgin túski ekiler shamasynda «Turan» shaǵyn aýdanynda bolǵan. Bes qabatty turǵyn úıdiń ekinshi qabatynan qulaǵan búldirshin úlkenderdiń qaraýynsyz qalǵan. Qazir ol aýrýhanada jatyr.
«Oqıǵanyń mán-jaıyn polıtsııa qyzmetkerleri anyqtaıdy. Jyl basynan beri Shymkent qalasynda balalardyń terezeden qulaý jaǵdaıy 4 ret tirkelip otyr. Barlyq jaǵdaıda balalar ata-analarynyń qaraýynsyz qalǵan. Ótken jyly osyndaı esepti merzim ishinde 7 oqıǵa bolǵan edi», - delingen habarlamada.
Eske salsaq, elordada 3 jasar sábı kóppáterli úıdiń 5-qabatynan kire beristegi shatyrǵa qulap ketti. Nur-Sultan qalalyq qoǵamdyq densaýlyq saqtaý basqarmasy agenttik tilshisine sábıdiń jaǵdaıy birqalypty ekendigin aıtty.
