Shymkentte eki jasar búldirshin gazdan ýlanyp qaıtys boldy
ShYMKENT. QazAqparat - Shymkentte eki jasar búldirshin gazdan ýlanyp qaıtys boldy. Taǵy eki bala aýyr halde aýrýhanaǵa jetkizildi, dep habarlaıdy QazAqparat tilshisi.
Qalalyq gaz sharýashylyǵy mamandarynyń málimetinshe, qaıǵyly jaǵdaı shahardyń irgesindegi Saıram turǵyn alabynda bolǵan. Aldyn ala boljamdar boıynsha úsheýi de gazdyń ıisinen ýlanǵan.
«Tańǵy saǵat 6:23-te Tótenshe jaǵdaılar qyzmetiniń kezekshi bólimine Ataı kóshesi, 64 úıde 2015 jyly týǵan búldirshinniń gazdan ýlanyp kóz jumǵany týraly habar túsken. Taǵy 2009 jáne 2013 jyly týǵan balalar aýyr halde, olar da ýlanyp qalǵan» delingen gaz sharýashylyǵy qyzmeti taratqan resmı habarlamada.
Qazirgi tańda mamandar qaıǵyly oqıǵanyń sebep saldaryn anyqtaýda. Ázirge belgilisi Saıram turǵyn alabyna «Jenıs-T» JShS-i qyzmet kórsetedi.
