Shymkentte eki jasar búldirshin ekinshi qabattan qulap ketti

ShYMKENT. QazAqparat - Shymkentte eki jasar búldirshin ekinshi qabattaǵy terezeden qulap ketti, dep habarlaıdy QazAqparat tilshisi.

Oqıǵa «Nursát-1» shaǵynaýdanyndaǵy 210-úıde bolǵan. Eresekterdiń qaraýynsyz qalǵan sábı terezeden tómen qulap ketken. Aýrýhanaǵa jetkizilgen oǵan «Jabyq bas-mı jaraqaty, ishtiń jaraqattary» dıagnozy qoıyldy. Dárigerler teksergennen keıin ambýlatorııalyq em qabyldaý úshin úıine jiberildi. Qazirgi jaǵdaıy ortasha.

«Jyl basynan balalardyń terezeden qulaýyna qatysty 6 jaǵdaı tirkeldi. Barlyq oqıǵada balalar jaraqat aldy. Al ótken jyly 7 oqıǵa tirkelgen bolatyn. Onda úsh búldirshin jaraqat alsa, tórteýi qaıtys boldy. Ata-analarǵa balalardy qaraýsyz qaldyrmaý kerektigin eskertemiz», - delingen Shymkent qalalyq Tótenshe jaǵdaılar departamenti qoǵammen baılanys toby taratqan habarlamada.