Shymkentte eki otbasynyń 11 múshesi koronavırýs juqtyrdy
18 sáýir kúni (tańerteńgi 09.30-daǵy málimet) Shymkent qalasynda indet 11 adamnan anyqtalǵan bolatyn.
«Naýqastar 1956, 2004, 1978, 1981, 1977, 1992, 1967, 1946, 1969, 1968, 1979 jyldary týǵan Shymkent qalasynyń turǵyndary. Olar koronavırýs ınfektsııasyn juqtyrǵan adamdarmen qarym-qatynasta bolýyna baılanysty buǵan deıin karantındik statsıonarǵa jatqyzylǵan jáne zerthanalyq synama alyndy. Aýrý juqtyrǵan 11 azamat eki otbasynyń músheleri.
PTR dıagnostıkalyq zertteý qorytyndysymen COVID-19 dıagnozy naqtylandy.
Qazirgi tańda naýqastardyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda», - delingen habarlamada.
Qalalyq shtabtyń málimetinshe, aýrý oshaqtarynda epıdzertteý men dezınfektsııalyq jumystar júrgizilýde. Osy jaǵdaıǵa baılanysty qala aýmaǵyndaǵy Túrkistan oblystyq psıhıkalyq densaýlyq ortalyǵy men «Samal 2» shaǵynaýdany, Tassaı turǵyn alaby qaýipti oshaq retinde tirkeýge alyndy.