Shymkentte eki qylmys boıynsha tárkilengen oıyn termınaldary joıyldy

ShYMKENT. QazAqparat - Shymkent qalasynda eki qylmystyq is aıasyndaǵy oıyn termınaldary joıyldy, dep habarlaıdy QazAqparat.

Qarjy monıtorıngi komıteti Shymkent qalasy boıynsha ekonomıkalyq tergeý departamentiniń qyzmetkerleri kúshine engen sot úkimi sheńberinde 21 «Bıngo» oıyn apparaty, 2 d kýpol ústeli, 2 elektrondy kýpol ústeli, 8 júıelik blok, 9 mıkrosyzba jáne 3 sary-jasyl oıyn termınalyn joıdy.

Atalǵan oıyn termınaldary Shymkent qalasynyń aýmaǵynda júrgizilgen jedel-izdestirý sharalary nátıjesinde tárkilengen.

QR «Oıyn bıznesi týraly» zańyna sáıkes kazıno jáne oıyn apparattaryn arnaıy belgilengen aımaqta ǵana ornatýǵa ruqsat berilgen. Basqa jerde kazıno jáne oıyn zaldaryn ashýǵa shekteý qoıylǵan.

Zańsyz oıyn bıznesin uıymdastyrý jáne úı-jaıdy oıyn zalyna jalǵa bergeni úshin QR Qylmystyq kodeksiniń 307-babyna sáıkes qylmystyq jaýapkershilik qarastyrylǵan.