Shymkentte eki búldirshin basseın men septıkke túsip ketken

ShYMKENT. QazAqparat – Shymkentte demalys kúnderi eki bala basseın men septıkke túsip ketip, tunshyǵyp qalǵan. Qazir ekeýiniń de jaǵdaıy aýyr, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, jazataıym oqıǵalardyń biri Abaı aýdanynyń Qyzyljar turǵyn alabynda bolǵan.

Jedel járdem qyzmetine túngi saǵat 22:30-da jeke turǵyn úıdiń aýlasynda úsh jasar búldirshin basseınge qulap ketkeni týraly habar túsken.

Eresekterdiń qaraýynsyz qalǵan bala dereý qalalyq balalar aýrýhanasyna jetkizilgen.

Qazirgi tańda onyń jaǵdaıy aýyr dep baǵalanyp otyr.

Dárigerler búldirshinde aspıratsııalyq sındrom, mıdyń isinýi degen dıagnoz qoıǵan.

Es-tússiz jatqan kishkentaı naýqasqa medıtsınalyq kómek kórsetilip jatyr.

Ekinshi jazataıym oqıǵa búgin túngi saǵat 00:05 shamasynda bolǵan.

«Abaı aýdanyna qarasty Samal-3 shaǵyn aýdanynda jeke turǵyn úıdiń aýlasynda úsh jasar búldirshin septıkke qulap ketken. Ol eresekterdiń qaraýynsyz qalǵan. Qazir bul búldirshin de qalalyq balalar aýrýhanasyna jatqyzyldy. Jaǵdaıy ortasha, aspıratsııalyq sındrom degen dıagnoz qoıylǵan» delingen TJD habarlamasynda.