Shymkentte eki aptanyń ishinde 160 mas júrgizýshi ustalǵan
ShYMKENT. QazAqparat - Shymkentte eki aptanyń ishinde 160 mas júrgizýshi ustalǵan. Bul týraly qalalyq Jergilikti polıtsııa qyzmetiniń basshysy Danııar Meıirhan Feısbýk jelisindegi paraqshasynda jarııalady.
Polıtseı shym shahardaǵy kólik tizgindegenderdiń jaýapkershiligi tómendep, qoǵamǵa qaýip tóndire bastaǵanyna alańdaýshylyq bildirgen, dep habarlaıdy QazAqparat HAA tilshisi.
«Іshimdikti az ishseń de rýlge otyratynyńdy umytpaý kerek. Bul qaǵıda kez kelgen júrgizýshiniń jadynda bolýy qajet. Sebebi, onyń saldary aýyr zardaptarǵa, adam ólimine alyp kelýi múmkin. Eki aıdyń ishinde Jergilikti polıtsııa qyzmetkerleri 160 mas júrgizýshige shara qoldandy»,-deıdi D. Meıirhan.
Qazir kólik ıeleriniń osy syndy jaýapsyz áreketteri polıtsııa qyzmetkerlerin alańdatyp otyr. Sondyqtan Danııar Meıirhan qala turǵyndaryn taǵy bir sát jaýapkershilikterin sezinýge shaqyrdy. Áleýmettik jelige mas júrgizýshi beınelengen kórnisti júktegen.
«Rýlde ekenin bile tura ishimdik jutyp alatyndar mundaı áreketterden bas tartyp, olardyń janyndaǵy azamattar mas júrgizýshiler týraly polıtsııaǵa habar beredi dep úmittenemiz. Bul túrli jol-kólik oqıǵalarynyń aldyn alyp, keleńsiz jaǵdaılarǵa jol bermes edi. Jaýapkershilik bolmaǵan jaǵdaıda jol apattary oryn alyp, adamdar ólimi bola beretini belgili»,-deıdi qalalyq Jergilikti polıtsııa basshysy.
