Shymkentte eki adamdy óltirdi degen kúdikpen 20 jastaǵy jigit ustaldy
Qalalyq polıtsııa departamenti baspasóz qyzmetiniń málimetinshe, sezikti qylmys jasaǵannan keıin bir táýlikten soń qolǵa túsken.
«Asa aýyr qylmysty jasady degen kúdiktini Eńbekshi aýdandyq polıtsııa basqarmasynyń qyzmetkerlerimen ustady. Ol ýaqytsha ustaý ızolıatoryna qamaldy. Qylmysty jasaýǵa kúdikti men er azamattyń arasyndaǵy turmystyq janjal sebep bolǵan. Seziktiniń basqa qylmystarǵa qatysy bar-joǵy taǵaıyndalǵan sot-medıtsınalyq saraptama qorytyndysyna sáıkes belgili bolady. Atalǵan jaıt Qylmystyq Kodekstiń 99-baby (Adam óltirý) boıynsha sotqa deıingi tergep-tekserýdiń biryńǵaı tiziliminde tirkelgen. Aıǵaqty zattar tárkilenip alyndy» delingen habarlamada.
Aıta keteıik, kúni keshe qaladaǵy páterlerdiń birinde erkek pen áıeldiń denesi tabylǵan bolatyn. Máıitterdi marqum bolǵan áıeldiń anasy tapqan edi. Qylmyskerdiń qolynan qaza tapqandar buǵan deıin sol páterde birge turǵan kórinedi.