Shymkentte eki adam gazdan ýlanyp qaza boldy
ShYMKENT. QazAqparat - Shymkentte eki adam gazdan ýlanyp qaıtys boldy. Qaıǵyly jaǵdaı qaladaǵy kópqbabatty úılerdiń birinde bolǵan, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń habarlaýynsha, ıisten ýlanyp kóz jumǵandardyń biri ózbekstandyq azamat bolǵan.
«11.03.2018 j. saǵat 17:45-te Shymkent qalasy, Respýblıka dańǵyly №15 «A» úı, №24 páterde boljam boıynsha gaz kalonkasynyń aqaýy saldarynan ýly gazdyń ıisine 1967 jyly týǵan Z.S.Elıkbaev jáne 1975 jyly týǵan G.Gaıpova (Ózbekstan Respýblıkasynyń azamatshasy) ýlanyp qaıtys bolǵan» delingen habarlamada.
Qazir qaıǵyly oqıǵanyń mán-jaıyn Ál-Farabı aýdandyq polıtsııa bóliminiń qyzmetkerleri anyqtap, tekserý sharalaryn júrgizýde.
Aıta keteıik, jyl basynan beri óńirde gazdan ýlanýdyń 7 jaıty tirkelip, odan 15 adam zardap shekti. Saldarynan 11 adam qaıtys bolsa, onyń ekeýi bala bolyp otyr.
