Shymkentte dzıýdodan Azııanyń ashyq kýbogy ótedi
ASTANA. QazAqparat - Shymkent qalasynda 20-23 aqpan aralyǵynda Azııanyń ashyq kýbogy ótedi, dep habarlaıdy QazAqparat tilshisi.
Jarysqa 1997-1999 jyly týylǵan Qazaqstan Respýblıkasy qalalary jáne oblystarynan jáne alys-jaqyn shetelderden arnaıy sporttyq daıyndyǵy bar dárigerdiń ruqsaty men jekelegen komandalar men sportshylar qatysa alady.
Jarysqa 2000 jylǵy sportshylar ata-analarynyń jazbasha ruqsatymen jiberiledi.
Qyzylorda, Shyǵys Qazaqstan, Ońtústik Qazaqstan, Almaty, Batys Qazaqstan oblystarynan jáne Almaty qalasynyń komandasynan ár salmaqqa tórt sportshydan qatysa alady.
Mańǵystaý, Qaraǵandy , Jambyl oblystarynan jáne Astana qalasynyń komandasynan ár salmaqqa úsh sportshydan jiberiledi.
Pavlodar, Qostanaı, Soltústik Qazaqstan jáne Atyraý oblystarynyń komandalarynan ár salmaqqa eki sportshydan qatysady.
Al Aqtóbe jáne Aqmola oblystarynyń komandasynan ár salmaqqa bir sportshydan jiberiledi.
Alys-jaqyn shetelderden kelgen komandadan ár salmaq dárejesine eki sportshyǵa deıin qatysa alady.
