Shymkentte djıp júrgizýshisi blokpostta turǵan polıtseıdi qaǵyp ketti

ShYMKENT. QazAqparat – Shymkentte djıp kóliginiń júrgizýshisi blokpostta turǵan polıtseıdi qaǵyp ketti. Saldarynan kezekshilikte turǵan tártip saqshysy orta dárejeli dene jaraqatyn alǵan, dep habarlaıdy QazAqparat polisia.kz saıtyna silteme jasap.

Atalǵan saıttyń málimetinshe, jol-kólik oqıǵasy Báıdibek bı men Tolemetov kósheleriniń qıylysynda oryn alǵan.

«Lexus LX 570» kóliginiń 33 jastaǵy júrgizýshi jolda óz mindetin atqaryp turǵan turǵan polıtseıdi qaǵyp ketken. Kináli júrgizýshi oqıǵa ornynda ustalyp, ýaqytsha ustaý abaqtysyna qamaldy. Qazir osy jaıt boıynsha QR Qylmystyq kodekstiniń 380 baby 3 bóligi 9 tarmaǵy «Bılik ókiline qatysty kúsh qoldaný, tótenshe jaǵdaı jarııalanǵan jerde jasalǵan is-áreket» boıynsha is qozǵalyp, djıp kóligi aıypturaqqa qoıyldy. Atalǵan bap boıynsha kináli tulǵaǵa 7 jyldan 12 jylǵa deıin bas bostandyǵynan aıyrylý jazasy qarastyrylǵan» delingen habarlamada.