Shymkentte dúkenderdi tonaıtyn qylmystyq top ustaldy
ShYMKENT. QazAqparat - Shymkentte qaraqshylyqty kásip etken qylmystyq top ustaldy. Tórt adamnan quralǵan toptyń oblys aýmaǵynda dúkender men býkmekerlik keńselerge, janar-jaǵarmaı beketterin tonap kelgeni anyqtaldy, dep habarlaıdy QazAqparat tilshisi.
Eńbekshi aýdandyq polıtsııa bólimine qaladaǵy dúkenderdiń birine qaraqshylyq shabýyl jasaǵany týraly habarlama túsedi. Oqıǵa ornyna jetken polıtseıler betterine betperde kıgen qaraqshylardyń azyq-túlik dúkenine tún jarymda basa kóktep kirip, qarýmen qorqytý arqyly 80 myń teńgesin alyp ketkenin anyqtaǵan.
Jedel izdestirý sharalaryn júrgizý barysynda tártip saqshylary osy qylmysqa qatysy bar degen kúdikpen 19-28 jas aralyǵyndaǵy tórt kúdiktini qolǵa túsirdi. Tergeý barysynda seziktiler ótken jyldyń qarasha aıynda Saryaǵash aýdanyndaǵy býkmekerlik keńseni tonap, operatoryn qorqytý arqyly 250 myń teńgesin alyp ketkenin moıyndaǵan. Qazirgi tańda qolǵa túskenderdiń tonaý boıynsha 7 qylmystyq oqıǵaǵa qatysy bar ekeni dáleldenip otyr.
Olardyń ústinen Qylmystyq kodekstiń 192-baby «Tonaý» boıynsha is qozǵalyp, tergeý amaldary júrgizilýde.
