Shymkentte dúkender men dárihanalardy tonap kelgen qylmystyq top quryqtaldy
ASTANA. QazAqparat - Shymkentte dúkender men dárihanalardy tonap kelgen qaraqshy top qolǵa tústi, dep habarlaıdy «QazAqparat» OQO ІІD baspasóz qyzmetine silteme jasap.
17 sáýir kúni polıtsııaǵa jergilikti turǵyndardyń biri shaǵym túsirdi. Onyń aıtýynsha, belgisiz bireýler qaladaǵy dárihanalardyń biriniń esigin buzyp kirip 100 myń teńgeni alyp ketken.
«Tártip saqshylary jedel áreket etýdiń nátıjesinde úsh kúdiktini qolǵa túsirdi»,-dep habarlaıdy vedomstvo.
Anyqtalǵandaı, kúdiktiler tún mezgilinde dúkender men dárihanalardyń esikterin buzyp kirip, aqsha jáne qundy zattardy alyp ketip otyrǵan. Olardyń qala aýmaǵyndaǵy dál osyndaı 4 qylmysqa qatysy bar ekendikteri anyqtaldy.
Atalǵan is boıynsha sotqa deıingi tergeý jumystary bastalyp, «urlyq» baby boıynsha qylmystyq is qozǵaldy, kúdiktiler qamaýda otyr.
