Shymkentte dúken tonaǵan qaraqshy ustaldy

ShYMKENT. QazAqparat -  Shymkentte dúken tonaǵan kúdikti ustaldy. Satýshyǵa kúsh kórsetken er adam Taraz qalasynda qolǵa túsken, dep habarlaıdy QazAqparat tilshisi.

Aıta keteıik, 2 qazan kúni Instagram jelisinde qaladaǵy dúkenderdiń birine shabýyl jasalǵany týraly beınejazba taralǵan bolatyn. Onda belgisiz jigit dúkenge basa kóktep kirip, satýshyǵa kúsh kórsetkeni túsirilgen. Sezikti kassadan aqsha alyp, oqıǵa ornynan boı tasalaǵan.

Shymkent qalalyq Polıtsııa departamentiniń málimetinshe, ál Farabı aýdandyq polıtsııa basqarmasy men Krımınaldyq polıtsııa basqarmasynyń qyzmetkerleri júrgizgen jedel izdestirý is-sharalarynyń barysynda sezikti qamaýǵa alyndy.

«Qazirgi tańda atalǵan oqıǵa QR QK-niń 192-baby 2-bóligimen sotqa deıingi tergep-tekserý tizimine tirkelgen. Tergeý amaldary júrgizilýde», delingen habarlamada.