Shymkentte dızel otynyn qoldan jasap, satqandardyń isi qaralýda

ShYMKENT. QazAqparat – Shymkentte jaǵarmaıdy qoldan jasap, ony beketterge satyp júrgen qylmystyq top anyqtaldy. Tekserý nátıjesinde 68 230 lıtr dızeldik otyn tárkilenip, atalǵan derek boıynsha tergeý bastaldy, dep habarlaıdy QazAqparat tilshisi.

Shymkent qalasy boıynsha Ekonomıkalyq tergeý departamentiniń málimetinshe, munaı jáne munaı ónimderiniń zańsyz aınalymy deregi boıynsha keltirilgen zalaldyń boljamdy sommasy 12 mln 213 myń teńgeni quraǵan.

«Qalanyń birneshe turǵyny jabdyqtalǵan jasyryn tseh ishinde dızeldi otyndy arzan pesh jaǵar maıymen aralastyryp, úlken kólemde sapasyz jaǵarmaı jasap otyrǵan. Ári qaraı atalǵan atalǵan «ónim» Shymkent qalasy jáne Túrkistan oblysyndaǵy avtojanarmaı quıý beketterine jetkizilip, nátıjesinde alaıaqtar baǵa aıyrmashylyǵymen zańsyz paıda taýyp júrgen. Qazirgi tańda atalǵan derek boıynsha QR QK-niń 197 baby 4 bóligimen sotqa deıingi tergeý reestrine tirkelgen», delingen habarlamada.