Shymkentte dendrosaıabaqtaǵy aǵashtar ne sebepti shirip jatqany zertteledi

ShYMKENT. QazAqparat - Shymkenttegi dendrosaıabaqtaǵy aǵashtarǵa ekologııalyq ekspertıza júrgiziledi. Bul týraly Shymkent qalalyq jaıly ortany damytý basqarmasynyń basshysy Erjan Joldasov málimdedi, dep habarlaıdy QazAqparat tilshisi.

2025 jylǵa deıin Shymkent qalasynda ornalasqan dendrosaıabaqqa 500 túrli aǵashtyń kósheti egiletin bolady. Sondaı-aq, mundaǵy kógaldardyń 40 paıyzyna tamshylatyp sýarý tehnologııasy qoldanylsa, qalǵan bóligine avtomatty sýarý júıesi engiziledi. Jalpy bıylǵy jyl sońyna deıin dendrosaıabaq tolyǵymen sýmen qamtylatyn bolady.

«Dendrosaıabaqtaǵy aǵashtar neden qýrap jatyr?» degen suraq týyndaǵan bolatyn. Bul týraly ártúrli pikir bar. Sondyqtan jan-jaqty zerdeleý jumystaryn júrgizý úshin ekologııalyq ekspertıza taǵaıyndadyq. Sonymen qatar, saıabaqtaǵy aǵashtardyń túrin kóbeıtýdi de josparlap otyrmyz. Bıyl 140 túrli aǵash kóshetterin tańdap otyrmyz. Aldymen Indonezııa, Koreıa sekildi elderden 10 túrli aǵash alyp kelemiz. Eger jersinse, kóbeıtemiz. 2025 jylǵa deıin dendrobaqtaǵy aǵash túrlerin 500-ge deıin kóbeıtemiz» - dedi Erjan Joldasov.

Aıta keteıik, Shymkent qalasynda ornalasqan dendrsaıabaqtyń aýmaǵy 117 gektardy quraıdy. Búningi kúni munda 98 840 aǵash bar.