Shymkentte dendropark aımaǵynda kóligimen júrgen júrgizýshi jazalandy

ShYMKENT. QazAqparat – Shymkentte dendropark aýmaǵynda kóligimen júrgen júrgizýshige 15 aılyq eseptik kórsetkish kóleminde aıyppul salyndy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

«Bıylǵy jyldyń 21 sáýiri kúni áleýmettik jelilerde dendroparkte jolaýshylary bar kóliktiń ketip bara jatqany týraly vıdeo tarady. Atalǵan fakti boıynsha, Shymkent qalalyq Polıtsııa departamentiniń patrýldik polıtsııa polkiniń qyzmetkerleri tekserý júrgizdi. Tekserý nátıjesinde kólik júrgizýshisiniń kim ekeni anyqtalyp, QR Ákimshilik quqyqbuzýshylyq týraly Kodeksiniń 1 baby 596 tarmaǵy negizinde (Jaıaý júrginshilerge arnalǵan jolmen júrý, jol júrý erejesin buzý) ákimshilik hattama toltyryldy. Atalǵan bapqa sáıkes, júrgizýshige 15 aılyq eseptik kórsetkish kóleminde aıyppul salyndy»,-dep málim eti Shymkent qalalyq polıtsııa departamentiniń ókilderi.