Shymkentte daýyl saldarynan jaryqsyz qalǵan úılerge elektr toǵy berile bastady
ShYMKENT. QazAqparat - Shymkentte qatty daýyldan jaryqsyz qalǵan úılerge qaıta elektr energııasy berile bastady. Bul týraly «Ońtústik Jaryq tranzıt» kompanııasy baspasóz qyzmetiniń málimdedi, dep habarlaıdy QazAqparat tilshisi.
Aıta keteıik, keshe túnde qalada oryn alǵan daýyl jaryq berý jelilerin úzip, baǵanalardy syndyryp ketken bolatyn. Qatty jyldamdyqpen soqqan jel oblys ortalyǵyndaǵy 25 elektr jelisin buzyp ketti. Tabıǵı apat saldarynan Samal-2, Nursat, Səýle, Turlan, Qursaı jəne Aqjar, Aqjaıyq móltekaýdandary men Arǵynbekov kóshesi jaryqsyz qalǵan edi. Jeke úılerde peshter istemeı, jurt jylýsyz otyrýǵa májbúr boldy. Sondaı-aq qaladaǵy aǵashtar synyp, kópqabatty úıler men ǵımarattardyń shatyrlaryn ushyryp áketti. Qorshaýlar men shatyrlardyń qıraýynan 12 jerasty gaz qubyry isten shyqty. Al, búgin «Ońtústik Jaryq tranzıt» kompanııasynyń mamandary jəne Shymkent qalalyq turǵyn úı kommýnaldyq sharýashylyq bóliminiń qyzmetkerleri isten shyqqan jelilerdiń negizgi bóligin qaıta qalpyna keltirdi. Qazirgi tańda jekemenshik sektordaǵy jaryq jelilerin iske qosý jumystary júrgizilýde. Mamandar gaz júıesin tolyǵymen qalpyna keltirdi. Qazir jeke bólimderde jóndeý sharalary qolǵa alynǵan.
