Shymkentte dárilerdi qymbattatyp satqan 50-den asa alypsatar ustaldy

ShYMKENT. QazAqparat – Shymkentte quzyrly organ ókilderinen quralǵan top dári-dármekti qymbattatyp satqan alypsatarlardy anyqtady. Reıd barysynda dárini zańsyz saýdalap júrgen 50-den asa turǵyn ustaldy, dep habarlaıdy QazAqparat tilshisi.

Qalalyq ákimdiktiń málimetinshe, shahar basshysy Murat Áıtenov qatysqan reıd barysynda juqpaly aýrýlarǵa qarsy dárilerge suranystyń artqanyn paıdalanǵan turǵyndar vırýsqa qarsy dárilerdi ǵalamtorda óz baǵasynan 2-3 ese qymbat satqan.

5-6 shilde aralyǵynda júrgizilgen reıd kezinde alypsatarlar Levomak, Levomır, Dımedrol sııaqty dárihanalarda tapshy bolyp otyrǵan preparattardy saýdalamaq bolǵan.

Tabylǵan dárilerdiń ishinde tipti elimizde tirkelmegen, tek Reseıde satylýy tıis dáriler de bar bolyp shyqty.

Sondaı-aq, preparattardy saqtaý barysy sanıtarlyq talaptarǵa saı kelmeıtini áshkere boldy. Máselen, tek tońaztqyshta turýy tıis dáriler daladaǵy qoraptarǵa salynǵan.

Endi dári satyp baıymaq bolǵan azamattar zań aldynda jaýap beredi.