Shymkentte dárihanalardyń jumysyna monıtorıng júrgizý jumystary jalǵasýda
Sondaı-aq shahar basshysy, dári-dármek baǵasyn negizsiz kótergenderge qatań shara qoldanylatynyn da atap ótti.
«Qalada 730 dárihana bar. Onyń 60%-y iri, qalǵany – shaǵyn dárihanalar. Atalǵan dárihanalarǵa dári-dármek jetkizý qory jetkilikti. Osy oraıda dúrligip, retseptsiz bosatylatyn dárilerdi tym artyq satyp alyp jatqan qala turǵyndaryn sabyrǵa shaqyramyn! Búginde bizdiń mamandar táýligine 24 saǵat jumys isteýde. Sol sebepti jaǵdaıdy qalypty deńgeıde ustaımyz», - dedi qala ákimi.
Murat Áıtenov turǵyndardy qajetti preparattarmen qamtamasyz etýde jaýapty mamandarǵa dári-dármekterdiń qoımadan qansha alynyp, qanshasy dárihanalarǵa jetkizilgenine deıingi jumystardyń barlyǵyna saraptama jasap otyrýǵa tapsyrma berdi. Al, turǵyndarǵa qala dárihanalarynan dári jetispeýshiligin baıqasa 109 (ikomek) senim telefonyna qońyraý shalýyna bolatynyn jetkizdi.
