Shymkentte dárigerler sýǵa batyp ketken 11 aılyq balany qutqaryp qaldy
ShYMKENT. QazAqparat - Shymkentte jedel járdem qyzmetiniń dárigerleri vannaǵa batyp ketken 11 aılyq balany qutqaryp qaldy. Jaısyz jaǵdaı qaladaǵy jeke úılerdiń birinde bolǵan. Bul týraly Shymkenttiń jedel járdem qyzmetiniń feısbýktegi paraqshasynda jarııalandy.
Jedel járdem qyzmetiniń málimetinshe, anasy balasyn shomyldyrý kezinde qulap ketken. Sábı kóp mólsherde sý jutyp qoıyp, demala almaı qalǵan. Bolmaǵan soń anasy jedel járdem qyzmetin shaqyrǵan.
«Shaqyrtýǵa kelgen jedel járdem mamandary balany tekserý kezinde onyń es-túzsiz ári tynys almaı jatqanyn, sondaı-aq júregi soǵylmaı turǵanyn anyqtaǵan. Sondyqtan dárigerler shuǵyl túrde reanımatsııalyq sharalar jasaǵan. 3 mınýttan keıin bala esin jıyp, óz-ózine kelgen. Sátti reanımatsııalyq is-sharalar nátıjesinde bala aman qalyp, tynys alýy qalpyna keltirilgen. Sábı qalalyq balalar aýrýhanasyna jetkizildi»,- delingen habarlamada.
