Shymkentte dárigerler eki aıǵa jýyq reanımatsııada jatqan júkti áıeldi aman alyp qaldy
Іshtiń ótkir aýyrsynýyna shaǵymdanǵan júkti áıeldi dárigerler tolyq medıtsınalyq tekserýden ótkizip, jedel operatsııa bólimine aýystyrǵan.
Operatsııa kezinde bosanǵan áıelden gangrenozdy appendıtsıtti anyqtap, hırýrgııalyq jolmen alyp tastaǵan. Іshinde sharanasy bar áıelde otadan keıin asqynýlary kóp bolǵan. Sebebi patsıentte appeedıtsıtten bólek, eki jaqty pnevmonııa, teri búırek-baýyr zaqymdanýy, sozylmaly búırek aýrýlary bolǵan. Buǵan qosa naýqasqa dárigerler «júıeli qyzyl jegi» (sıstemnaıa krasnaıa volchanka) dıagnozyn qoıǵan.
Sozylmaly aýrýlarynyń asqynýy saldarynan naýqastyń kúnnen-kúnge densaýlyq jaǵdaıy nasharlaǵan. Eki adamnyń ómiri úshin kúresken dárigerler táýlik boıy jansaqtaý bóliminde medıtsınalyq kómek kórsetip, birneshe ret bilikti mamandardyń qatysýymen konsýlıým ótkizgen. Aýyr haldegi naýqasty dárigerler IVL-apparatyna qosqan.
«Júktiliktiń 24-25 aptalyǵynda aǵymdaǵy jyldyń 2-qańtar kúni júkti áıeldiń tolǵaǵy bastalyp, dárigerler ony merziminen buryn bosandyryp aldy. Dúnıege kelgen ul balanyń salmaǵy -685 gramm. Aýyr haldegi sábı qalalyq perınataldyq ortalyqtaǵy balalarǵa arnalǵan jansaqtaý bólimine aýystyryldy. Dárigerler shala týylǵan nárestege mamandandyrylǵan medıtsınalyq kómek kórsetýde.
Bosanǵan áıeldiń jaǵdaıy búginde jaqsaryp, jansaqtaý bóliminen palataǵa aýysty. Qazir jaǵdaıy turaqty. Densaýlyǵy jaqsarǵan jas anany dárigerler osy apta aýrýhanadan shyǵarýdy josparlap otyr»-delingen Shymkent kalasy densaýlyq saqtaý departamentiniń baspasóz qyzmeti taratqan habarlamada.
Foto: Shymkent qalasy densaýlyq saqtaý departamenti