Shymkentte dárigerler 130 adamnyń búıregin almastyrdy

ShYMKENT. QazAqparat - Shymkentte dárigerler 130 adamnyń búıregin jáne 18 naýqastyń baýyryn almastyrdy. №1 qalalyq klınıkalyq aýrýhana bazasynda jasalǵan kúrdeli otalardyń barlyǵy sátti aıaqtalǵan, dep habarlaıdy QazAqparat tilshisi.

Qalalyq Densaýlyq saqtaý basqarmasynyń málimetinshe, aǵza almastyrǵan naýqastardyń barlyǵynyń densaýlyǵy birqalypty. Júzden asa janǵa jańa ómir syılaǵan aq halattylar sheteldik azamattarǵa da transplantalogııalyq operatsııa jasaǵan.

«17 sheteldik azamatqa (Germanııa, Kanada, Izraıl, Rýmynııa) tiri donordan alynǵan búırekti almastyrý otasy jasalǵan. Búginde ol naýqastardyń jaǵdaıy da qanaǵattanarlyq. Donorlar jáne retsıpıentter ambýlatorııalyq emdeýge jiberildi. Kúrdeli otalardyń barlyǵy aýrýhananyń bas dárigeri Mádı Bıǵalıevtiń jetekshiligimen júrgizildi», delingen habarlamada.