Shymkentte dámhanada atys bolyp, bir adam jaraqattandy

ASTANA. QazAqparat – Shymkenttegi kafelerdiń birinde atys bolyp, bir adam jaraqattandy, dep habarlaıdy QazAqparat polisia.kz telegram kanalyna silteme jasap.

«7 qazan saǵat 4:30 shamasynda ál-Farabı APB-na qalalyq aýrýhanaǵa oq jaraqatymen er adam jetkizilgeni týraly habarlama tústi. Derek QR QK 24-baby 3-bóligi, 99-baby «Adam óltirýge oqtalý» boıynsha SDTTBT-ne tirkeldi. Tergeý barysynda kafelerdiń birinde belgisiz tulǵalar qarýdan oq atyp, kelýshini jaraqattap, oqıǵa ornynan boı tasalaǵany anyqtaldy. Jaralanǵan er azamat jansaqtaý bóliminde», - delingen habarlamada.

Jedel izdestirý sharalary barysynda polıtseıler «VAZ-21014» avtokóligin anyqtap, onyń salonynan eki qarý tapqan. Qazir kúdiktilerdi ustaý boıynsha is-sharalar júrgizilip jatyr.

Іs qalalyq prokýratýra men polıtsııa departamenti bastyǵynyń jeke baqylaýyna alyndy.

Foto: t.me/POLICE_of_KZ