Shymkentte dámhana eki kún qatarynan karantın talabyn buzdy

ShYMKENT. QazAqparat - Demalys kúnderi Shymkentte kafeni jalǵa alýshy azamat karantın talabyn eki ret buzǵan, dep habarlaıdy QazAqparat tilshisi.

Koronavırýsqa qarsy vedomstvoaralyq komıssııanyń málimetinshe, 16-19 jeltoqsan aralyǵynda Shymkent qalasynyń monıtorıng toptary 16 reıd júrgizgen.

Bul shara 248 nysandy qamtydy.

Onyń ishinde 177 qoǵamdyq tamaqtaný orny (kafe, toıhana men ashanalar), 71 kommýnaldyq obekti (sulýlyq salony, shashtaraz, TQKS, hımııalyq tazalaý oryndary) bar.

Monıtorıngpen qamtylǵan barlyq obektide sanıtarlyq túsindirý jumysy júrgizildi.⠀

4 kúndik demalys kezinde monıtorıng toby karantın talabyn kezegimen eki ret buzǵan kafeni anyqtady. Qaladaǵy «Viva» kafesiniń qyzmetkerleri kelýshilerge maskasyz jáne qolǵapsyz qyzmet kórsetken.

Tekserý nátıjesinde jalǵa alýshyǵa 83 340 teńge kóleminde aıyppul salyndy.

Shymkent qalasy sanıtarııalyq-epıdemıologııalyq baqylaý departamentiniń aýdandyq basqarmalaryna 6 jedel habarlama kelip túsip, jumys júrgizilip jatyr.

«Qurmetti kásipkerler! Atalǵan sharalardyń barlyǵy elimizde koronavırýs ınfektsııasynyń taralýyna qarsy baǵyttalǵanyn esterińizge salamyz. Pandemııaǵa birge qarsy turaıyq» dep eskertedi komıssııa.