Shymkentte dalada tabylǵan nárestege qatysty qylmystyq is qozǵaldy
ShYMKENT. QazAqparat - Shymkentte tastandy nárestege qatysty qylmystyq is qozǵaldy. Bul týraly oblystyq ІІD-niń baspasóz qyzmetinen málimdedi.
Qazir sábıdi kóshege qaldyrǵan kókek anaǵa izdeý jarııalandy, dep habarlaıdy QazAqparat HAA tilshisi.
Osy derek boıynsha Shymkent qalasyna qarasty Abaı aýdandyq ІІB Qylmystyq kodekstiń «Qaýipti jaǵdaıda qaldyrý» babymen is qoǵalyp, tergeý amaldary júrgizilýde. Sotqa deıingi tekserý sharalary qolǵa alynǵan.
Eske salaıyq, demalys kúni tańǵy saǵat segiz jarym shamasynda jeke medıtsınalyq ortalyqtyń kúzetshisi qoqys tastaıtyn jáshik pen bankomattyń arasynan jańa týylǵan sábıdi taýyp alǵan bolatyn. Qansyraǵan sábıdi anasy bosanǵan kúıi tastap ketken degen boljam jasalǵan-dy. Dereý jedel járdem kóligi shaqyrtylyp, sábı 2-inshi perınataldy ortalyqqa jetkizildi. Búgin baspasóz maslıhatyn ótkizgen oblystyq Densaýlyq saqtaý basqarmasynyń basshysy Muqan Egizbaev tastandy náresteniń jaǵdaıy aýyr ekenin aıtqan edi.
