Shymkentte COVID-19 karantındik statsıonardaǵy 3 adamnan tirkeldi

ShYMKENT. QazAqparat – Shymkent qalasynda koronavırýsqa shaldyǵýdyń jańa jaǵdaılary karantındik statsıonarda jatqan adamdardan anyqtaldy, dep habarlaıdy QazAqparat.

Buǵan deıin habarlaǵanymyzdaı, 8 sáýir saǵat 21.15-tegi jaǵdaı boıynsha, Qazaqstanda indetti juqtyrýdyń jańadan 9 oqıǵasy tirkeldi. Onyń ishinde 3 naýqas Shymkent qalasynda anyqtaldy.

«Aýrý juqtyrǵandardyń úsheýi Shymkent qalasynda tirkeldi. Barlyǵy da koronavırýs ınfektsııasyn juqtyrǵan adammen qarym-qatynasta bolýyna baılanysty karantındik statsıonarǵa jatqyzylǵan bolatyn. Olardan zerthanalyq synamalar alynǵan. PTR dıagnostıkalyq zertteý qorytyndysymen COVID-19 dıagnozy naqtylandy. Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda. Aýrý oshaqtarynda epıdzertteý jumystary, dezınfektsııalyq jumystar júrgizilýde», - delingen Memlekettik komıssııanyń shuǵyl shtabynyń málimetinde.

Búgingi deıin Shymkent qalasynda COVID-19 ınfektsııasyna shaldyqqan 23 adam anyqtaldy.