Shymkentte COVID-19 ınfektsııasyn juqtyrǵan 30 medıtsına qyzmetkerine ótemaqy tólendi
Bul týraly aqparattyq-kommýnıkatsııalyq ortalyqta ótken brıfıngte qalalyq densaýlyq saqtaý basqarmasy basshysynyń mindetin atqarýshy Tımırhan Varzılov málim etti, dep habarlaıdy QazAqparat tilshisi.
«Jalpy qala boıynsha 185 medıtsına qyzmetkeri koronovırýs ınfektsııasyn juqtyrǵan. Olardyń qatarynda jedel járdem medıtsınalyq kómek kórsetý qyzmetiniń, provızorlyq ortalyqtardyń jáne emhanadaǵy fıltr kabınetiniń qyzmetkerleri bar. Qazirgi tańda 30 qyzmetkerge MÁMS arqyly 2 mıllıon teńgeden ótemeaqy berildi. Qalǵan mamandardyń qujatyn arnaıy komıssııa tekserý ústinde», - dedi T. Varzılov.
Aıta keteıik, medıtsına qyzmetkerleri koronavırýs ınfektsııasyn juqtyrǵan jaǵdaıda memlekettik áleýmettik saqtandyrý qorynan 2 mıllıon teńge kóleminde bir rettik áleýmettik tólem beriledi. Al, maman koronavırýstan kóz jumǵan jaǵdaıda otbasyna 10 mıllıon teńge bólinedi.