Shymkentte burynǵy avtoparktiń úsh qabatty ǵımaraty órtendi

ShYMKENT. QazAqparat – Shymkentte burynǵy avtoparktiń úsh qabatty ǵımarat órtendi. Jalyndy aýyzdyqtaýǵa órt sóndirý qyzmetiniń 11 tehnıkasy men 51 sóndirýshisi jumyldyryldy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, órt týraly habarlama kezekshi bólimge keshki saǵat 17:17-ler shamasynda túsken. Órtengen «Orda» JShS-ne tıesili ǵımarat bolyp shyqty. Oqıǵa ornyna jetken tótenshe jaǵdaılar qyzmetkerleri 3 qabatty ǵımarattyń shatyry órtenip jatqanyn anyqtaǵan. Jalyn artynsha avtoparktiń qasynan salynǵan eki qabatty ǵımarattyń shatyryna ótken.

«Órt sóndirýshilerdiń jedel jumystarynyń arqasynda jalyn 18:56- da aýyzdyqtalyp, 19:34-te tolyq sóndirilgen. Jalyn sharpyǵan aýmaqtyń kólemi 1925 sharshy metrdi quraǵan. Tilsiz jaýdan zardap shekkender joq. Qazirgi tańda órttiń shyǵý sebepteri men keltirilgen shyǵyn kólemi anyqtalýda» delingen habarlamada.