Shymkentte buryn eki ret jazasyn ótegen turǵyn taǵy 10 jylǵa sottaldy
ShYMKENT. QazAqparat - Shymkentte buryn eki ret jazasyn ótegen turǵyn taǵy da sottaldy. Ońtústik Qazaqstan oblystyq qylmystyq ister jónindegi mamandandyrylǵan aýdanaralyq soty adam óltirgen aıyptalýshyny uzaq merzimge bas bostandyǵynan aıyrdy, dep habarlaıdy QazAqparat HAA tilshisi.
Qylmystyq isti qaraǵan sýdıa Samıddın Temiralıevtiń sózinshe, keleńsiz oqıǵa ótken jyldyń sońynda Shymkenttiń irgesindegi Qaınarbulaq saıajaıynda bolǵan. Sol jerdiń turǵyny úıinde jóndeý jumystaryn júrgizý ýshin tanysyn shaqyrtady. 49 jastaǵy tanysy buryn eki ret sottalǵan eken. Ekeýi jumysqa kirisip, arasynda ishimdik iship alady. Mas bolǵan dostardyń arasynda janjal týyndap, sońy tóbeleske ulasqan. Sot barysynda aıyptalýshy qaıtys bolǵan Dmıtrıı Chırkovtyń ózine pyshaq alyp júgirgenin aıtqan. Sodan ózin qorǵamaq bolǵan ol pyshaqty tanysyna baǵyttap, suǵyp alypty. Biraq oqıǵa ornynan boı tasalamaı, polıtsııany ózi shaqyrǵan. Jasaǵan qylmysyn moıyndap, tártip saqshylaryna bárin baıandap bergen.
Úsh aı kóleminde júrgizilgen tergeý nátıjesinde aıyptalýshynyń kinási tolyǵymen dálelin tapty. Búgin sot kisi óltirýshini 10 jylǵa bas bostandyǵynan aıyrdy. Jazasyn qatań tártiptegi túrmede óteıtin boldy. Sondaı-aq maskúnemdikten májbúrlep emdeý jóninde sheshim qabyldandy.
