Shymkentte búldirshinderdiń balabaqshamen qamtylý deńgeıi 95 paıyzǵa jetken
Qalalyq bilim basqarmasynyń málimetinshe, memlekettik baǵdarlamaǵa sáıkes aǵymdaǵy jyly 3-6 jastaǵy balalardy mektepke deıingi bilim berýmen 100% qamtý úshin memlekettik tapsyryspen qosymsha 3 463 orynǵa balalardy ornalastyrýǵa 657 mln 738 myń teńge bólingen. Sondaı-aq, jan basyna qarjylandyrý normatıvine sáıkes 1 balaǵa bólinetin qarjy kólemin 27 502 teńgege kóterý úshin 2 mlrd 322 mln teńge qarjyǵa respýblıkalyq bıýdjetke suranys berilgen.
Budan bólek, shaharda erekshe bilim berýdi qajet etetin balalarǵa arnalǵan jekemenshik «Asyl bala» arnaýly balabaqsha-mektep kesheni iske qosyldy. Balabaqsha erekshe bilim berý qajet etetin balalardy beıimdeý, Halyqaralyq «UCMAS» (ÝSIMAS) mentaldi arıfmetıka ádistemesin úıretý baǵytyndaǵy jumystardy atqarady. Búgingi tańda atalǵan balabaqshada 40 bala tárbıelenýde.
Sondaı-aq, memlekettik balabaqshalardyń 45%-da nemese 36 balabaqshada mektepke deıingi uıymdardaǵy tárbıelenýshilerdiń tildik, tanymdyq, shyǵarmashylyq quzyrettiligin qalyptastyrýǵa baǵyttalǵan arnaıy ıntellektýaldy-damytýshy oıyn keshenimen jabdyqtalǵan «Intellektým» kabınetteri ashylǵan.