Shymkentte búldirshinderdiń 94 paıyzy balabaqshamen qamtylǵan

ShYMKENT. QazAqparat - Shymkentte balabaqshamen qamtý deńgeıi 89 paıyzdan 94 paıyzǵa ósti, dep habarlaıdy QazAqparat.

«Qalada 498 balabaqsha bar, onyń 397-si - jekemenshik. Jalpy, mektep jáne balabaqsha qurylysyn memlekettik-jekemenshik áriptestik aıasynda júrgizetin bolamyz», - dep atap ótti halyq aldynda esep berý kezdesýinde qala ákimi Ǵabıdolla Ábdirahymov.

Aıta keteıik, 1 naýryzdan bastap Shymkentte kópbalaly analar avtobýsta tegin júredi. Sondaı-aq, kópbalaly otbasylarǵa aqyl-keńes beretin arnaıy ortalyq ashylady.