Shymkentte býkmekerlik keńseni tonaý boıynsha qylmystyq is qozǵaldy
ShYMKENT. QazAqparat - Shymkentte býkmekerlik keńseni tonaý boıynsha qylmystyq is qozǵaldy. Qazirgi tańda polıtseıler oqıǵanyń mán-jaıyn anyqtap jatyr, dep habarlaıdy QazAqparat tilshisi.
Tártip saqshylary kúdiktilerdi ustaý boıynsha barlyq qajetti is-sharalardy jasap, keltirilgen shyǵyn kólemin anyqtaý jumystary júrgizýde. Atalǵan jáıt boıynsha Qylmystyq kodekstiń 191 baby «Tonaý» boıynsha is qozǵalyp, Ál-Farabı PB-niń SDTBT-ne tirkeldi. Sotqa deıingi tergeý amaldary júrgizilýde.
Aıta keteıik, keshe túnde shamamen 22:15 shamasynda qaladaǵy býkmekerlik keńselerdiń birin tonap ketken bolatyn. Oqıǵa ornyna shuǵyl jetken jedel-tergeý tobynyń anyqtaǵanyndaı, mekemege belgisiz tulǵalar basa-kókteı kirip, anyqtalmaǵan qarýmen kassadan aqsha alyp ketken. Artynsha belgisiz baǵytqa boı tasalaǵan.
