Shymkentte býkmekerlik keńseni tonap ketti
ShYMKENT. QazAqparat - Shymkentte býkmekerlik keńse tonaldy. Belgisiz bireý keńsedegi operator qyzdardy qorqytyp, bar aqshasyn alyp ketken, dep habarlaıdy QazAqparat tilshisi.
Qylmystyq oqıǵa keshe túngi saǵat 22.30-dar shamasynda Jangeldın kóshesindegi býkmekerlik keńsede bolǵan. №14 úıdiń birinshi qabatynda ornalasqan keńse táýlik boıy jumys isteıdi. Qylmys oryn alǵan soń, oqıǵa ornyna ál-Farabı aýdandyq polıtsııa bóliminiń basshylyǵy bastaǵan bir top qyzmetkerler kelip jetti. Olar oqıǵa ornyn qorshaýǵa alyp, tonaýshylardyń izine túspek bolǵan. Patrýldi ekıpajdar aýlalardy qarap, uryny izdestirgen. Alaıda búgin belgili bolǵandaı, urlyqty keńsedegi operator qyzdardyń biri uıymdastyrǵan bolyp shyqty. Onyń biri jigitin keńsege shaqyryp alǵan. Keıinnen súıiktisi 350 myń teńgedeı utylyp qalypty. Osy aqshanyń ornyn toltyrý úshin ekeýi urlyqty qoldan uıymdastyrǵan eken. Bul týraly óńirdiń qadaǵalaýshy organ ókilderi habarlady. Qazir keńse qyzmetkerinen jaýap alynýda . Ózge málimetter tergeý kezinde belgili bolmaq.
