Shymkentte býkmekerlik keńselerdi tonap júrgen qylmystyq top ustaldy
ShYMKENT. QazAqparat - Shymkentte Shymkentte býkmekerlik keńselerdi tonap júrgen qylmystyq top ustaldy. Toptyń alty múshesi osy kúnge deıin bes keńseni tonap ketkenin moıyndap otyr, dep habarlaıdy QazAqparat tilshisi.
Oblystyq ishki ister departamenti baspasóz qyzmetiniń málimetinshe, Ál-Farabı aýdandyq polıtsııa bólimshesine býkmekerlik keńselerdiń biriniń 26 jastaǵy qyzmetkeri aryzdanǵan. Ol belgisiz bireýler keńsege basa-kóktep kirip, kúzetshi ekeýin uryp soqqanyn, kassadan 180 myń teńge alyp ketkenin aıtqan. Osydan keıin jedel izdestirý sharalaryn júrgizgen tártip saqshylary osy qylmysqa qatysy bar degen kúlikpen alty kúdiktini qolǵa túsirdi. Tergeý barysynda Tólebı aýdanynyń 1990, 1997, 1998, 1999 jyly týǵan turǵyndary oblys ortalyǵynda 5 býkmekerlik keńseni tonaǵanyn moıyndaǵan. Ustalǵandardyń sózinshe, barlyq qaraqshylyq qylmystardy aldyn ala daıyndalǵan ádispen jasaǵan. ıAǵnı, keńsege basa-kóktep kirip, qyzmetkerlerge kúsh kórsetetin bolǵan. Keıinnen aqshany alyp, izderin sýytyp otyrǵan. Túsken aqshany ózara bólisip, qajettilikterine jaratypty. Qazirdiń ózinde toptyń jábirlenýshilerge 400 myńnan asa shyǵyn keltirgeni anyqtalyp otyr.
Seziktiler qamaýǵa alynyp, olarǵa qatysty Qylmystyq kodekstiń «Tonaý» babymen is qozǵaldy. Tergeý amaldary júrgizilip, ustalǵandardyń basqa da qylmystarǵa qatystylyǵy tekserilýde.
