Shymkentte býkmekerlik keńsege qaraqshylyq shabýyl jasaldy

ShYMKENT. QazAqparat - Shymkentte býkmekerlik keńsege qaraqshylyq shabýyl jasaldy. Betine betperde kıip, qarýlanǵan kúdikti keńsedegi aqshany tonamaq bolǵan, dep habarlaıdy QazAqparat tilshisi.

Qalalyq PD málimetinshe, býkmekerlik keńsege qaraqshylyq shabýyl jasaǵan kúdikti kóp uzamaı qolǵa túken.

«Qaraqshylyq shabýyl kezinde kassır abdyrap qalmaı, dabyl núktesin basyp úlgergen. Dabyl qaqqyshtyń dybysynan qorqyp, kúdikti qylmys ornynan qashyp ketken. Jedel-tergeý toby onyń jeke basyn anyqtap, ustady. Qamaýǵa alynǵan adam Shymkent qalasynyń turǵyny bolyp shyqty» delingen habarlamada.

Qazirgi tańda QR QK-niń 192-babyna sáıkes sotqa deıingi tergep-tekserý júrgizilýde.