Shymkentte boýlıng-ortalyq órtendi

NUR-SULTAN. QazAqparat - Shymkent qalasynda boýlıng-ortalyqtaǵy órt sóndirildi, dep habarlaıdy QazAqparat tilshisi QR ІІM Tótenshe jaǵdaılar komıtetine silteme jasap.

«26 sáýir kúni saǵat 11:39-da órtke qarsy qyzmet pýltine Shymkent qalasyndaǵy «Galaksı Boýlıng» ortalyǵyndaǵy órt týraly aqparat kelip tústi. Ot mashınalyq bólimde tutanyp, 50 sharshy metr aýmaqty sharpyǵan», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.

Tilsiz jaý 12:15-te aýyzdyqtalyp, 12:33-te tolyq sóndirildi. Oqıǵadan eshkim zardap shekken joq.

«Aldyn ala boljam boıynsha, elektr symdary tuıyqtalǵan bolýy múmkin. Órtti sóndirýge jeke quramnan 25 adam jáne Shymkent qalalyq TJD 5 tehnıkasy jumyldyryldy», - deıdi komıtet ókili.