Shymkentte bosanǵan áıel komaǵa tústi
ShYMKENT. QazAqparat - Shymkentte bosanǵan áıeldiń es-túzsiz kúıge túsýine baılanysty arnaıy komıssııa quryldy. Birneshe mamandardan qurylǵan komıssııa músheleri tıisti tekserý sharalaryn júrgizýge kiristi. Bul týraly Oblystyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat tilshisi.
Basqarma mamandarynyń sózinshe, qazir naýqas áıel Oblystyq klınıkalyq aýrýhananyń jansaqtaý bóliminde emdelip jatyr.
«Oblystyq densaýlyq saqtaý basqarmasynyń basshysy Muqan Egizbaev kelinshekti perınataldyq ortalyqtan jansaqtaý bólimine aýystyryp, baqylaýda ustap otyr. Onyń qan qysymy kóterilip ketken. Qazir barlyq emdeý sharalary kórsetilýde», delingen habarlamada.
Al, jańadan ómirge kelgen sábıdiń densaýlyǵyn mamandar jaqsy dep otyr. Aıta keteıik, naýqas áıel №1 oblystyq perınataldyq ortalyqta bosanǵan bolatyn. Alǵashynda onyń densaýlyǵy qalypty bolyp, keıinnen kúrt nasharlap ketken edi.
