Shymkentte bólshektelgen máıit tabylýyna baılanysty qylmystyq is qozǵaldy
ShYMKENT. QazAqparat - Shymkentte bólshektelgen máıittiń tabylýyna baılanysty qylmystyq is qozǵaldy, dep habarlaıdy QazAqparat tilshisi.
Zorlyq-zombylyqpen óltirilgen er adamnyń máıitin eki kún buryn qommýnaldyq sharýashylyq qyzmetkerleri Qaınarbulaq saıajaıyndaǵy qoqys jáshiginen taýyp alǵan bolatyn.
Aıta keteıik, buǵan deıin BAQ betterinde adam máıiti tabylǵany týraly habar taraǵan bolatyn. Alaıda oblystyq ІІD bul málimetti búgin rastap otyr.
Іshki ister departamenti baspasóz qyzmetiniń málimetinshe, máıittiń tabylǵany týraly habar Qarataý polıtsııa bóliminiń kezekshi bólimine túsken.
«Oqıǵa ornyna kelip jetken polıtseıler tabylǵan 50-55 jas shamasyndaǵy er azamattyń máıiti ekenin anyqtady. Atalǵan jaıt negizinde adam óltirý baby boıynsha sotqa deıingi tergep tekserý tizilimine tirkeldi. Sotqa deıingi tergep tekserý jumystary bastaldy. Birneshe saraptamalar taǵaıyndaldy» delingen baspasóz qyzmeti taratqan habarlamada.
Qazir jedel-tergeý toby qurylyp, marqumnyń túr-tulǵasyn jáne kúdikti tulǵalardy anyqtaý boıynsha barlyq is-sharalardy júrgizýde.
